მეთოდი ,, თოვლის გუნდა''

მეთოდი „თოვლის გუნდა“ („ორი – ოთხი – რვა“)

მეთოდი გამოიყენება, როდესაც აუცილებელია, რომ მონაწილეებმა რომელიმე

საკითხი განიხილონ ჯერ წყვილებში, შემდეგ ოთხეულებში, შემდეგ რვაკაციან ჯგუფებში

და ა. შ. მეთოდის უპირატესობა ის არის, რომ იგი ასწავლის მოლაპარაკებების წარმართვას,

არჩევანის გაკეთებას და კონსენსუსის (თანხმობის) მიღწევას.

მუშაობის თანმიმდევრობა:

•          წაიკითხეთ ტექსტი.

•          ტექსტის წაკითხვამდე მონაწილეებს მსჯელობისა და დისკუსიისთვის

სთავაზობენ კითხვებს.

•          მონაწილეები ტექსტს წყვილებში კითხულობენ, პასუხობენ კითხვებს და

შეთანხმებულ გადაწყვეტილებას იღებენ. გააფრთხილეთ ისინი, რომ პასუხის ან

გადაწყვეტილების მიღებაში წყვილებმა აუცილებლად უნდა მიაღწიონ თანხმობას

(კონსენსუსს).

•          წყვილები ოთხეულებად გააერთიანეთ და შეთავაზეთ, მათ მიერვე მიღებული

გადაწყვეტილებები განიხილონ. ოთხეულების მონაწილეებმა განსახილველ საკითხთან

დაკავშირებით საერთო გადაწყვეტილება უნდა მიიღონ.

•          ოთხეულები უფრო დიდ ჯგუფებში გააერთიანეთ და დრო მიეცით, რომ

საკითხი განიხილონ, პოზიციები შეაჯერონ და საერთო გადაწყვეტილება მიიღონ.

მინი-კვლევა

მისი მიზანია გადაწყვეტილების მიღების პროცესზე ზემოქმედებისა და მასში აქტიური

მონაწილეობის პრაქტიკული შესწავლა.

შევარჩიოთ კვლევის თემა, მაგალითად: „კულტურულ-ისტორიული ძეგლის

მდგომარეობა“.

ნაბიჯი 1 შეაფასეთ კულტურულ-ისტორიული ძეგლის მდგომარეობა შემდეგი სქემით:

•          კულტურულ-ისტორიული ძეგლის მდგომარეობა წარსულში და აწმყოში;

•          ფფ მისი ისტორიული და მხატვრული ღირებულება;

•          ამ ძეგლში მულტიკულტურალიზმის ნიშნები წარსულსა და აწმყოში.

•          ფაქტორები, რომლებმაც ამ ნაგებობის ნგრევა გამოიწვია და მისი

დანიშნულების ცვლილებაზე იქნონია გავლენა.

ნაბიჯი 2 ჯგუფებში გააანალიზეთ რაიონი, ქუჩა, რომელზეც ცხოვრობთ, და

დაადგინეთ, რომელი კულტურულ-ისტორიული ობიექტებია მასზე

განლაგებული.

•          შეადგინეთ ამ კულტურული და ისტორიული ობიექტების ჩამონათვალი.

•          ამოარჩიეთ კვლევის ობიექტი და განსაზღვრეთ მისი მდგომარეობა.

•          შეადგინეთ მისი დაცვისთვის/შენარჩუნებისთვის საჭირო ქმედებების

ალგორითმი.

ნაბიჯი 3 ჯგუფებში შეადგინეთ კითხვარი. თქვენ მიერ შერჩეული ძეგლის

მდგომარეობასთან და მის შესაძლებელ დაცვასთან დაკავშირებით ჩაატარეთ

საზოგადოების წარმომადგენლების გამოკითხვა – ახალგაზრდების, საშუალო

ასაკის ადამიანების, პენსიონერების და ა. შ.

ნაბიჯი 4 შერჩეული ობიექტის შესახებ მოამზადეთ პრეზენტაცია და გამოფინეთ კლასში,

სკოლაში, თქვენი დასახლებული პუნქტის საზოგადოებრივი თავშეყრის ადგილას –

მოედანზე, მუზეუმში, ადგილობრივ საკრებულოში და ა. შ.

ნაბიჯი 5 ისტორიისა და კულტურის ძეგლების დაცვის საკითხებზე მოაწყვეთ

შეხვედრა სპეციალისტებთან. მოამზადეთ გეგმა-პროექტი და ძეგლის

რეკონსტრუქციის აუცილებლობის დასაბუთება. მასში გაითვალისწინეთ ძეგლის

შესაძლებელი ფუნქციური და სიმბოლური გამოყენება, რაც ადგილობრივი

საზოგადოებრიობისთვის მნიშვნელოვანია.

ნაბიჯი 6 ადგილობრივი თვითმმართველობის/ცენტრალური ხელისუფლების ორგანოებს

მიმართეთ წერილით, რომლითაც ძეგლის მდგომარეობის შესახებ შეატყობინებთ და

ჩამოაყალიბებთ ამ ძეგლის შენარჩუნების თქვენეულ ხედვას.

ნაბიჯი 7 ადგილობრივ გაზეთში დაწერეთ წერილი ამ თემაზე.