მეთოდი „მოსაზრებების შკალის“

„მოსაზრებების შკალის“ მეთოდი „აირჩიე პოზიციის“ მეთოდის ერთ-ერთი სახეობაა.

მოსაზრებების შკალა მოსწავლეებს შესაძლებლობას აძლევს, სკუთარი პოზიცია და არგუმენტები უფრო მოქნილად წარმოადგინონ ინდივიდუალურად ან გარკვეულ ჯგუფში

მუშაობისას. ეს არის პირადი არჩევანისა და პოზიციის დაფიქსირების ძალიან მნიშვნელოვანისაკითხი.

მუშობის თანმიმდევრობა:

•          ჩამოაყალიბეთ კითხვა ან პრობლემა, რომლის შესახებაც მონაწილეები საკუთარ

პოზიციას გამოთქვამენ. მაგალითად: „სახელმწიფო უნდა უზრუნველყოფდეს განათლების მიღების თანაბარ ხელმისაწვდომობას“.

•          მონაწილეებს შესათავაზეთ, დაფიქრდნენ ამ მოსაზრებაზე და გადაწყვიტონ,

ეთანხმებიან თუ არა მას და რატომ.

•          საკლასო ოთახის ნებისმიერ თავისუფალ ადგილას (მაგალითად, დაფასთან)

იატაკზე გაავლეთ ხაზი – „მოსაზრებების სკალა“. მონაწილეებს საკუთარი პოზიციის

განსაზღვრაში დაეხმარება სკალის თავში, შუაში და ბოლოში განთავსებული პლაკატები წარწერები: „ვეთნხმები სრულიად - 100%-ით“, „ვეთანხმები ნაწილობრივ - 50%-ით, „არ ვეთანხმები – 0%“.

მონაწილეებს შეუძლიათ, თავად აირჩიონ, რამდენად ეთანმებიან მოცემულ დებულებას:

85%-ით, 79%-ით, 45%-ით, 5%-ით და ა. შ.

•          მონაწილეებს შესთავაზეთ, „მოსაზრებების შკალაზე“ დაიკავონ ადგილი და

განიხილონ გვერდით მდგომ „მეზობელებთან“ რატომ არიან ისინი აქ?

•          მონაწილეებს შესთავაზეთ, განმარტონ თავიანთი პოზიცია და ახსნან საკუთარი

არჩევანი. მონაწილეებს ჰკითხეთ: „რატომ ხართ აქ?“ მოისმინეთ სხვადასხვა პოზიციის

წარმომადგენლების დასაბუთებები.

•          მას შემდეგ, რაც ყველა დასაბუთებას მოისმენთ, მონაწილეებს მიეცით უფლება, სურვილის შემთხვევაში, შეიცვალონ პოზიცია; თან ახსნან, რა არგუმენტებმა შეაცვლევინა მათ პოზიცია.

•          შეაჯამეთ შედეგები. მოსწავლეებს შეთავაზეთ, დასკვნები ჩამოაყალიბონ.